បិទទីតាំងគ្លីនិកឯកជនមួយកន្លែងកម្មសិទ្ធរបស់មន្ត្រីមន្ទីរសុខាភិបាលខេត្តមណ្ឌលគិរីម្នាក់
12-August-2016 | ដោយ មែន កំសត់
មណ្ឌលគិរី៖លោកសាតចាន់បុត្របានធ្វើបទសម្ភាសជាមួយប្រធានមន្ទីរសុខាភិបាលខេត្តនិងបានធ្វើសេចក្តីរាយការណ៍ថាអាជ្ញាធរខេត្តមណ្ឌលគិរីបានសម្រចបិទទីតាំងគ្លីនិកឯកជនមួយកន្លែងជាកម្មសិទ្ធរបស់មន្ត្រីមន្ទីរសុខាភិបាលខេត្តម្នាក់។
ការចុះបិទបានធ្វើឡើងនៅល្ងាចថ្ងៃ១០សីហា២០១៦ក្រោមការចុះហត្ថលេខាពីសំណាក់លោក ប៊ុន សួរ ប្រធានមន្ទីរសុខា ភិបាល ខេត្តមណ្ឌលគិរីបន្ទាប់ពីរកឃើញថាមន្ត្រីជាម្ចាស់គ្លីនិករូបនោះបានយកទួនាទីរបស់ខ្លួនរំលោភលើច្បាប់របស់ក្រសួងសុខាភិបាល។
សេចក្តីរាយការណ៍បានបន្តថាទីតាំងគ្លីនិកមួយកន្លែងស្ថិតនៅចំកណ្តាលក្រុងសែនមនោរម្យជាកម្មសិទ្ធរបស់លោកភោគវិទូមន្ត្រីមន្ទីរសុខាភិបាលនិងជាបុគ្គលិករបស់កម្មវិធីប្រយុទ្ធប្រឆាំងជំងឺគ្រុនចាញ់ត្រូវបានប្រធានមន្ទីរសុខាភិបាលខេត្តមណ្ឌលគិរីអះអាងថាបានបិទជាស្ថាពររួចរាល់ហើយ ក្រោយមន្ទីរបានហៅគ្រូពេទ្យឈ្មោះភោគ វិទូ នេះមកព្រមាននិងចាត់វិធានការបញ្ឈប់ ដំណើរការរបស់គ្លីនិកម្តងរួចមកហើយ ក្រោយរកឃើញថា គ្លីនិកបានលួចព្យាបាលអ្នកជំងឺគ្រុនឈាមខុស ពីច្បាប់ ដែល ក្រសួងសុខាភិបាលបានចែងនោះ។
ប្រធានមន្ទីរសុខាភិបាលខេត្តមណ្ឌលគិរីបានថ្លែងប្រាប់អ្នកកាសែតតាមរយៈទូរស័ព្ទនៅល្ងាចថ្ងៃ១០សីហាថាការបិទទីតាំងពិនិត្យព្យាបាលរបស់មន្ត្រីរបស់មន្ទីរសុខាភិបាលខាងលើនៅថ្ងៃនេះគឺដំបូងឡើយទីតាំងខាងលើបានប្រព្រឹត្តនូវទង្វើរដែលច្បាប់ហាមប្រាមគឺលួចព្យាបាលអ្នកជំងឺគ្រុនឈាមហើយមន្ទីរបានហៅម្ចាស់គ្លីនិកឈ្មោះភោគវិទូនេះមកព្រមានម្តងរួចមកហើយ។
ទោះជាបែបនោះក្តីមន្ត្រីខាងលើមិនបានបញ្ឈប់សកម្មភាពរបស់ខ្លួននោះទេថែមទាំងផ្គើនទៅនិងច្បាប់សុខាភិបាលម្តងទៀតពិសេសគឺខ្លួនជាមន្ត្រីមន្ទីរសុខាភិបាលផងនិងជាបុគ្គលិកកម្មវិធីប្រយុទ្ធប្រឆាំងជំងឺគ្រុនឈាមផងមន្ទីរក៏សម្រេចបញ្ឈប់មិនឲ្យគ្រូពេទ្យខាងលើបន្តពិនិត្យព្យាបាលក្នុងទីតាំងរបស់ខ្លួនទាំង ស្រុងនៅថ្ងៃ១០សីហានេះតែម្តង។
នៅល្ងាចថ្ងៃនៃការបិទទីតាំងព្យាបាលរបស់មន្ត្រីមន្ទីរសុខាភិបាលខាងលើសារព័ត៌មានយើងមិនអាចស្វែងរកសូមការបញ្ជាក់ពីម្ចាស់ទីតាំងគឺលោកភោគ វិទូ នេះបាននៅឡើយទេ។
ជុំវិញបញ្ហានេះដែរលោកប៊ុនសួរប្រធានមន្ទីរសុខាភិបាលខេត្តមណ្ឌលគិរីក៏បានឆ្លើយតបថាលោកមានការហួសចិត្តខ្លាំងណាស់ចំពោះព័ត៌មានមួយនេះ ហើយលោក ក៏បានចាត់តាំងអោយក្រុមគ្រូពេទ្យជំនាញ ចុះទៅតាមដាននិងត្រួតពិនិត្យគ្រប់មន្ទីរពេទ្យឯកជន និងគ្លីនិក ព្យាបាលជំងឺនានាក្នុងក្រុងក៏ដូចតាមបណ្តាស្រុក ប៉ុន្តែលោកមិនបានរកឃើញថា មានអ្នកជំងឺគ្រុនឈាមសំរាក ព្យាបាលនៅទីនោះ នោះទេ ដោយរកឃើញតែក្នុងទីតាំងព្យាបាលរបស់លោក ភោគ វិទូ តែប៉ុណ្ណោះ ដែលនៅមាន លួចព្យាបាលអ្នកជំងឺនេះ។
លោកថានៅតាមបណ្តាគ្លីនិកឬកន្លែងព្យាបាលឯកជន បានប្រើប្រាស់ឧបករណ៍តេស្តឈាម មិនមានលក្ខណៈស្តង់ដា។ ដូចច្នេះ ក្រោយពិនិត្យនោះលទ្ធផលចេញមកមិនមានភាពប្រក្រតីនោះទេ។មួយវិញទៀត ទាល់តែមន្ទីរពេទ្យបង្អែកទើបមានម៉ាស៊ីន ស្វ័យប្រវត្តន៍ដែលអាចវិនិច្ឆ័យលក្ខណៈជំងឺគ្រុនឈាមនេះបាន រាល់ការ វិនិច្ឆ័យមិនប្រក្រតីនេះហើយ ទើបមានព័ត៌មានថា ជំងឺគ្រុនឈាមមានការកើនឡើងនោះ។
ពាក់ព័ន្ធជាមួយនិងជំងឺគ្រុនឈាមនេះផងដែរលោកប្រធានមន្ទីរបញ្ជាក់ថាជំងឺគ្រុនឈាមមានការថមថយហើយដោយក្នុង១ថ្ងៃគឺមន្ទីរពេទ្យបង្អែកបានទទូលអ្នកជំងឺចាប់ពី៥០ទៅ៦០នាក់តែប៉ុណ្ណោះ។កាលពីមួយរយៈពេលមុននោះស្ថានភាពជំងឺហក់ឡើងខ្លាំងគឺមានដល់ទៅជាង១០០នាក់ឯណោះក្នុង១ថ្ងៃ។
ជំងឺគ្រុនឈាមក៏ត្រូវបានគេរាយការណ៍ថា បានកើតឡើងនៅក្នុងតំបន់មួយចំនួនក្នុងខេត្តមណ្ឌលគិរីពិសេស គឺក្នុងភូមិ ចម្ការតែ ក្រុងសែនមនោរម្យនិងភូមិពូលូង ក្រុងសែនមនោរម្យដូចគ្នា ប៉ុន្តែដោយសារតែការចុះពិនិត្យនិងបាញ់ ថ្នាំសំ លាប់មូស ចំគោលដៅពីសំណាក់មន្ត្រីជំនាញនោះ អត្រានៃជំងឺនេះក៏បានថមថយទៅវិញ។ទោះជាមានការថមថយ យ៉ាងណា ក៏ដោយ មន្ត្រីជំនាញនៅតែអះអាងថា និងបន្តយុទ្ធនាការបន្ថែមទៀត ដើម្បីកំចាត់ជំងឺប្រភេទនេះឲ្យអស់ពីក្នុងតំបន់៕
ចំនួនអ្នកទស្សនា
- ថ្ងៃនេះ2551
- ម្សិលមិញ11441
- សប្តាហ៍នេះ32381
- ខែនេះ147531
- ឆ្នាំនេះ147531
- សរុប20589987